Azərbaycan, Bakı, 26 yanvar /Trend, müxbir K.Zərbalıyeva/
Azərbaycanda polis şöbəsinin saxlanma təcridxanasından qaçan şəxslərdən biri tutulub.
Göyçay rayon polis şöbəsindən çərşənbə günü Trend-ə verilən məlumata görə, iki gün öncə saxlanma təcridxanasından qaçan 1987-ci il təvəllüdlü Elşən Eminov polis əməkdaşlarının keçirdikləri əməliyyat-axtarış tədbirləri nəticəsində rayonun İncə kəndində saxlanılıb və istintaqa təhvil verilib.
Təcridxanadan qaçan digər şəxs, 1986-cı il təvəlllüdlü Xəyal Əsgərovun isə axtarışı davam edir.
Onlar barəsində Cinayət Məcəlləsinin 304-cü (azadlıqdan məhrum etmə yerindən, həbsdən və ya mühafizə altından qaçma) maddəsi ilə cinayət işi başlanıb.
Eminov Cinayət Məcəlləsinin 177.2.2-ci və 177.2.3-cü (oğurluq) maddəsi ilə, Əsgərov isə 234-cü (narkotik vasitələrin qanunsuz dövriyyəsi) maddəsi ilə təqsirli bilinərək saxlanılmışdılar.