Azərbaycan, Bakı, 16 may /Trend, müxbir K.Zərbalıyeva/
Bakıda ağır yol qəzası olub: iki nəfər ölüb, iki nəfər xəsarət alıb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Zığ-Hava Limanı beton yolunun 2-ci kilometrliyində Bakı şəhər sakini Əsəd Əhmədov idarə etdiyi "BMW" markalı avtomobili idarəetməni itirməsi nəticəsində yolun kənarındakı lövhəyə vurub.
Nəticədə sürücü və sərnişini Rauf İsayev hadisə yerində ölüb, digər sərnişinlər - Elson Nəcəfov, Famil Əhmədov 3 saylı xəstəxanaya yerləşdiriliblər.
Faktla bağlı araşdırma aparılır.