Azərbaycan, Bakı, 9 avqust /Trend, müxbir M.Əliyev/
Hacıqabul rayonunda yanacaqdoldurma məntəqəsində baş verən partlayışla bağlı Cinayət Məcəlləsinin yanğın təhlükəsizliyi qaydalarını pozma (225-ci) maddəsi ilə cinayət işi başlanıb. Bu barədə çərşənbə axşamı Trend-ə Hacıqabul rayon prokuroru Tariyel Qurbanov məlumat verib.
FHN-nin məlumatına görə, Hacıqabul-Padar avtomobil yolunun kənarında yanacaqdoldurma məntəqəsi yaxınlığında maye qaz daşıyan yük avtomobilində baş vermiş partlayış nəticəsində ilkin məlumata görə, 2 nəfər həlak olub, 15 nəfər yaralanıb, 7 avtomobil yanıb.