Azərbaycan, Bakı, 21 sentyabr /Trend, müxbir K.Zərbalıyeva/
Bakıda iki sərnişin avtobusu və bir minik avtomobili toqquşub, xəsarət alanlar var.
Fövqəladə Hallar Nazirliyindən çərşənbə günü Trend-ə verilən məlumata görə, Xətai rayonunda "Otoyol" və "Daewoo" markalı sərnişin avtobusları və "Mercedes" markalı minik avtomobili toqquşub.
Nəticədə, hər üç nəqliyyat vasitəsi deformasiyaya uğrayıb.
"Otoyol" markalı sərnişin avtobusu aşıb, içərisində olan 6 nəfər xəsarət alıb. Yaralılar xəstəxanaya aparılıblar.
Hadisə yerinə cəlb edilmiş xilasedicilər xüsusi alət və avadanlıqlar vasitəsilə ərazidə müvafiq təhlükəsizlik tədbirləri görüblər.