Azərbaycan, Bakı, 30 dekabr / Trend, müxbir K.Zərbalıyeva/
Şəmkirdə evdə yanğın olub, 15 yaşlı yeniyetmə ölüb.
Trend-in Daxili İşlər Nazirliyinin rəsmi saytına istinadən verdiyi məlumata görə, dekabrın 29-da saat 16:00 radələrində Şəmkir rayonunun Şiştəpə kəndində, kənd sakini Arifə Aslanovaya məxsus evdə yanğın baş verib.
Nəticədə evin yanar konstruksiyaları və oradakı əşyalar yanıb, ev sahibəsinin oğlu 15 yaşlı Orxan Aslanov isə tüstüdən boğularaq ölüb.
Faktla bağlı araşdırmalar aparılır.