Azərbaycan, Bakı, 31 yanvar /Trend, müxbir K.Zərbalıyeva/
Azərbaycanda saxta əsginazlar qanunsuz dövriyyədən çıxarılıb.
Trend-in çərşənbə axşamı Daxili İşlər Nazirliyinin rəsmi saytına istinadən verdiyi məlumata görə, Cəlilabad və Biləsuvar rayon polis şöbələrinin əməkdaşlarının həyata keçirdikləri əməliyyat-axtarış tədbirlər nəticəsində Cəlilabad şəhər sakini Mircəlal Qəhrəmanovdan 6 ədəd 100 manatlıq və 7 ədəd 50 manatlıq saxta əsginaz götürülüb.
Qəhrəmanovun saxta əsginazları həmyerlisi Bəhruz Əsgərovdan alması müəyyən edilib.
Hər iki şübhəli şəxs saxlanılıb.