Azərbaycan, Bakı, 11 fevral /Trend, müxbir K.Zərbalıyeva/
Fövqəladə Hallar Nazirliyinin xilasediciləri yolda qalan sərnişinləri xilas edib.
Trend-in şənbə günü FHN-in rəsmi saytına istinadən verdiyi məlumata görə, Sumqayıt şəhərində bir halda "Hyundai" və "Mercedes" markalı 2 ədəd minik avtomobili, digər halda isə "Ford" və "Suzuki" markalı 2 sərnişin avtobusu hava şəraiti ilə əlaqədar yolda çətin vəziyyətlə üzləşib.
Xilasedicilər müvafiq texnika vasitəsilə yolda qalmış avtomobillərin hərəkətinin bərpa edilməsi üçün zəruri tədbirlər görüblər.
