Azərbaycan, Bakı, 23 mart /Trend/
Azərbaycanda avtomobil oğruları tutulub.
Trend Daxili İşlər Nazirliyinin rəsmi saytına istinadən məlumat verir ki, Binəqədi RPİ 7-ci PB əməkdaşlarının keçirdikləri əməliyyat-axtarış tədbirləri nəticəsində martın 22-nə keçən gecə H.Babayev küçəsində Bakı şəhər sakini Kamil Əmrahova məxsus "VAZ-2106" markalı avtomaşını qaçırmış Yalçın Xanməmmədov tutulub.
Qaradağ RPİ 10-cu PB əməkdaşlarının keçirdikləri əməliyyat-axtarış tədbirləri nəticəsində martın 15-də İlkin Ağayevə məxsus "VAZ-2106" markalı avtomaşını qaçırmış Cəlilabad rayon sakini Vüsal Mehdiyev tutulub.
Həmçinin, martın 21-də Gəncə şəhəri H.Ə.Hüseynzadə küçəsindən Ağdam rayon sakini Seymur Əliyevə məxsus "VAZ-21214" markalı avtomaşın qaçırılıb.
Nizami (Gəncə) RPİ əməkdaşlarının keçirdikləri əməliyyat-axtarış tədbirləri nəticəsində avtomaşını qaçırmış Gəncə şəhər sakini, əvvəllər məhkum olunmuş Arzu Hüseynov tutulub.
RPİ tərəfindən araşdırma aparılır.