Azərbaycan, Bakı, 26 noyabr /Trend, müxbir K.Zərbalıyeva/
Bakıda çayxanada qumarxana aşkar edilib.
Trend-in Daxili İşlər Nazirliyinin rəsmi saytına istinadən verdiyi məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhəri Zahid Xəlilov küçəsindəki "Maximum" çayxanasında şəhər sakini, əvvəllər məhkum olunmuş Orxan Quliyevin qanunsuz idman mərc oyunları təşkil etməsi müəyyən edilib.
Çayxanaya baxış zamanı 2 dəst kompyuter, 1 ədəd kuponların qeydiyyatı üçün üzərinə "Maximum FK099" yazılmış ştamp, 3 ədəd 73 manat dəyərində uduş kuponu və 325 manat pul aşkar edilərək götürülüb.
Faktla bağlı cinayət işi başlanıb.