Azərbaycan, Bakı, 4 dekabr /Trend, müxbir K.Zərbalıyeva/
Bakıda tank əleyhinə qumbara tapılıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Nərimanov rayonunda döyüş sursatı aşkarlanıb.
Dərhal Nazirliyin müvafiq qurumlarının mütəxəssisləri və xilasediciləri lazımi tədbirlərin görülməsi üçün hadisə yerinə cəlb ediliblər. Nazirliyin mütəxəssisləri aşkarlanmış sursata baxış keçiriblər. Müəyyən olunub ki, bu, avtomat silahına aid 1 ədəd daraq (21 ədəd 7x62 mm gülləsi) və istifadəyə yararlı olan tank əleyhinə 1 ədəd RKQ-3 markalı əl qumbarasıdır.
Aşkar edilmiş hərbi sursatlar müvafiq qaydada mütəxəssislər tərəfindən zərərsizləşdirilərək aidiyyəti üzrə təhvil verilib. Xilasedicilər hüquq-mühafizə orqanlarının əməkdaşları ilə birlikdə əraziyə əlavə baxış keçirib və digər növ şübhəli əşya aşkar etməyiblər.