Azərbaycan, Bakı, 15 yanvar /Trend, müxbir A.Tağıyeva/
Suriyanın Hələb şəhərindəki universitetdə baş vermiş partlayış nəticəsində 15 nəfər ölüb. Bu barədə Trend çərşənbə axşamı "əl-Cəzirə" telekanalına istinadən məlumat verir.
Xeyli sayda yaralananlar var, lakin onların dəqiq sayı barədə hələlik məlumat verilmir.
Partlayış qaçqınların yaşadığı universitet şəhərciyindəki binada baş verib. Yerli telekanalların hadisə yerindən nümayiş etdirdiyi ilkin kadrlarda görünür ki, partlayış nəticəsində ilk üç mərtəbədə divarlar dağılıb.