Azərbaycan, Bakı, 13 mart /Trend/
Ağdaşda evdə baş vermiş yanğın zamanı 79 yaşlı kişi ölüb.
Trend Fövqəladə Hallar Nazirliyinin rəsmi saytına istinadən məlumat verir ki, Ağdaş rayonu, Qarağan Şıxlar kəndində (rayon mərkəzindən 7 km aralı) vətəndaşa məxsus ümumi sahəsi 120 kv.m olan ikimərtəbəli tikintisi başa çatmamış evin 1-ci mərtəbəsində 1 otağın yanar konstruksiyaları yanıb.
Yanğın yerinin kəşfiyyatı zamanı 1934-cü il təvəllüdlü Abdulrəhimov Ənvər Məhəmməd oğlunun meyiti aşkar olunub.
Hadisə ilə əlaqdar müvafiq qurumlar tərəfindən təhqiqat aparılır. Yanğın yanğınsöndürənlər tərəfindən söndürülüb.