Azərbaycan, Bakı, 24 aprel /Trend, müxbir İ.İzzət/
Aprelin 23-də axşam saatlarında Bakının Yasamal rayonunda "Caspian Plaza" Biznes Mərkəzinin qarşısında yol-nəqliyyat hadisəsi baş verib.
Trend-in məlumatına görə, hadisə zamanı bir neçə minik avtomobili toqquşub.
Bakı Şəhər Təcili və Təxirəsalınmaz Tibbi Yardım Stansiyasından Trend-ə verilən məlumata görə, hadisə nəticəsində iki nəfər xəsarət alıb. Onlardan biri Kliniki Tibbi Mərkəzə, digəri isə Bakı Şəhər Travmatoloji və və Ortopedik Klinik Xəstəxanasına yerləşdirilib.
İlkin ehtimala görə, qəzaya səbəb meteoroloji şərait, yəni yağan güclü yağış olub.