Azərbaycan, Bakı, 20 may /Trend/
Güclü külək Gəncədə bir sıra fəsadlar törədib.
Trend Kəpəz TV-yə istinadən xəbər verir ki, küləyin təsiri ilə şəhərin Heydər Əliyev prospekti və Zülfü Hacıyev küçəsində ağaclar yola aşıb.
Nəticədə hərəkətdə olan bir neçə avtomobil zədələnib.
Xətai prospektində isə yeni quraşdırılan işıq dirəklərindən biri hasarın üzərinə aşıb.
İsaq Cəfərov küçəsindəki yaşayış məhəlləsində də ağac küləyin təsirindən aşaraq dayanmış avtomobili yararsız hala salıb.