Təfərrüatlar əlavə olunub (ilk xəbər saat 00:46-da yayılıb)
Azərbaycan, Bakı, 6 iyun /Trend/
ABŞ-ın Filadelfiya şəhərində üçmərtəbəli binanın çökməsi nəticəsində iki nəfər dağıntılar altında qalıb. Bu barədə Trend "Anadolu" agentliyinə istinadən məlumat verir.
Xilasedicilər dağıntılar altında qalanların yerinin müəyyən edildiyini və axtarış-xilasetmə işlərinin davam etdiyini bildirirlər.
Dağıntılar altından 12 nəfərin çıxarıldığı və xəstəxanaya aparıldığı açıqlanıb.
"Philadelphia Inquirer" qəzetinin məlumatına görə, hadisə nəticəsində xəsarət alan Filadelfiya şəhərinin iki sakini xəstəxanada ölüb, 13 nəfər isə həkimlərin nəzarəti altndadır.
Dağıntılar altında qalanların dəqiq sayı hələ məlum deyil. Ehtimala görə, dağıntılar altında ən azı daha bir nəfər qala bilər.
Hadisə Filadelfiya şəhərinin mərkəzində yerli vaxta səhər saatlarında baş verib.
Binanın çökmə səbəbi hələ bilinmir.