Azərbaycan, Bakı, 27 iyul /Trend/
Bakıda iki avtomobil toqquşub, xəsarət alan var.
Trend Fövqəladə Hallar Nazirliyinin rəsmi saytına istinadən məlumat verir ki, Bakı şəhəri, Nərimanov rayonunda "BMW" markalı 2 minik avtomobili toqquşub.
Nəticədə, hər iki avtomobil deformasiyaya uğrayıb, minik avtomobillərindən birinin sürücüsü xəsarət alıb və deformasiyaya uğramış avtomobildə sıxılmış vəziyyətdə qalıb.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralını avtomobildən çıxarıb və hadisə yerinə çağırılmış Təcili Tibbi Yardım Stansiyasının əməkdaşlarına təhvil verilib.