Azərbaycan, Bakı, 8 sentyabr /Trend/
Yunanıstanda zəlzələ baş verib.
Trend İTAR TASS-a istinadən məlumat verir ki, bu gün Yunanıstanın Krit adasının cənub sahillərində 5 bal gücündə zəlzələ olub.
Avropa-Aralıq dənizi Seysmoloji Mərkəzinin məlumatına görə, zəlzələnin ocağı adanın inzibati mərkəzi olan İraklion şəhərindən 55 kilometr cənubda, 2 km dərinlikdə qeydə alınıb.
İnsan tələfatı və dağıntılar barədə məlumat verilmir.