...

Şirkətə cərimə ödəməsini "yüngülləşdirməyə" söz verən Ağsu sakini dələduzluqda ittiham edilir

Hadisə Materials 12 Sentyabr 2013 17:43 (UTC +04:00)
Dövlət Miqrasiya Xidmətindən (DMX) Ağsu rayon sakini Ceyhun Bədəlovun qanunsuz hərəkətlərinə dair Baş Prokurorluğa daxil olmuş material Baş prokuror yanında Korrupsiyaya qarşı mübarizə idarəsində araşdırılıb.
Şirkətə cərimə ödəməsini "yüngülləşdirməyə" söz verən Ağsu sakini dələduzluqda ittiham edilir

Trend-i buradan izləyin

Azərbaycan, Bakı, 12 sentyabr /Trend, müxbir İ.İzzət/

Dövlət Miqrasiya Xidmətindən (DMX) Ağsu rayon sakini Ceyhun Bədəlovun qanunsuz hərəkətlərinə dair Baş Prokurorluğa daxil olmuş material Baş prokuror yanında Korrupsiyaya qarşı mübarizə idarəsində araşdırılıb.

Baş Prokurorluğun mətbuat xidmətindən Trend-ə verilən məlumata görə, araşdırmalar zamanı Ceyhun Bədəlovun DMX tərəfindən "Bestpack" MMC-yə 35 min manat məbləğində inzibati tənbeh növündə tətbiq olunmuş cərimənin hissə-hissə ödənilməsinə şəxsi əlaqələrindən istifadə edərək kömək edəcəyi adı ilə MMC-nin rəhbəri Nəsimi Mustafayevdən 26 iyul 2013-cü il tarixdə 15 min manat məbləğində pulu almasında şübhələr üçün əsaslar olduğundan fakta görə Cinayət Məcəlləsinin 178.3.2-ci (dələduzluq yolu ilə özgə əmlakını külli miqdarda ələ keçirmə) maddəsi ilə cinayət işi başlanıb.

Hazırda iş üzrə Baş prokuror yanında Korrupsiyaya qarşı mübarizə idarəsində istintaq davam etdirilir.

Məqalədə:
Xəbər lenti

Xəbər lenti