Azərbaycan, Bakı, 21 mart /Trend, müxbir İ.İsabalayeva/
Bakıda yarımçıq tikilidə insan ölümü ilə nəticələnən yanğın baş verib.
Trend Fövqəladə Hallar Nazirliyinin rəsmi saytına istinadən xəbər verir ki, Bakı şəhəri, Xəzər rayonunda 1960-cı il təvəllüdlü Varmakov Veris Borisoviçə məxsus ümumi sahəsi 25 kv.m olan tikintisi başa çatmamış birmərtəbəli 2 otaqlı evin 1 otağında ev əşyaları 8 kv.m sahədə yanıb.
Evin qalan hissəsi yanğından mühafizə olunub. Yanğın saat 08:57-də yanğınsöndürənlər tərəfindən söndürülüb.
Yanğının kəşfiyyatı zamanı ev sahibi V.Varmakovun meyiti aşkar olunub.
Hadisə ilə əlaqədar müvafiq qurumlar tərəfindən təhqiqat aparılır.