Azərbaycan, Bakı, 8 aprel /Trend, müxbir İ.İzzət/
Azərbaycanda Rusiya vətəndaşlarının 7 il ərzində məcburi əməyə cəlb edilməsi aşkar edilib.
Daxili İşlər Nazirliyinin mətbuat xidmətindən Trend-ə bildiriblər ki, İnsan Alverinə Qarşı Mübarizə Baş İdarəsi əməkdaşlarının keçirdikləri əməliyyat tədbirləri nəticəsində müəyyən edilib ki, Ağstafa rayonunun Köçəsgər kənd sakinləri Elsevər Tağıyev və Şahin Əliyev 2007-ci ildən 2014-cü ilin aprel ayınadək olan müddətdə kənd ərazisində olan özlərinə məxsus fermalarda Rusiya Federasiyasının vətəndaşları Vladimir Naumovu və Aleksandr Zıkovu məcburi əməyə cəlb ediblər.