Azərbaycan, Bakı, 15 iyul /Trend, müxbir İlkin İzzət/
Bakıda iki yük avtomobili toqquşub, ölən və yaralanan var.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, iyulun 14-ü saat 13:15 radələrində, Xəzər rayonu Qala-Pirallahı yolunda Bakı şəhər sakinləri - 1963-cü il təvəllüdlü Telman Quliyevin idarə etdiyi "Zil" markalı və 1980-cı il təvəllüdlü Rəvan Mirəliyevin idarə etdiyi "İsuzu" markalı yük avtomobilləri toqquşub.
Nəticədə "İsuzu"nun sürücüsü R.Mirəliyev hadisə yerində ölüb, sərnişini 1986-cı il təvəllüdlü Teymur Bayramov 3 saylı xəstəxanaya yerləşdirilib.