Azərbaycan, Bakı, 29 iyul /Trend/
Abşeron rayonu, Mehdiabad qəsəbəsində evdə yanğın baş verib, yanğın söndürüldükdən sonra qadın meyiti tapılıb.
Trend Daxili İşlər Nazirliyinin rəsmi saytına istinadən məlumat verir ki, iyulun 26-da Abşeron rayonunun Mehdiabad qəsəbəsində Məlahət Rəsulovanın yaşadığı evdə yanğın baş verib və yanğın söndürüldükdən sonra M.Rəsulovanın meyiti tapılıb.
Araşdırmalar zamanı M.Rəsulovanın boğma yolu ilə qətlə yetirilməsi və evin yandırılması müəyyən edilib.
Abşeron RPŞ tərəfindən əməliyyat-axtarış tədbirləri aparılır.