Azərbaycan, Bakı, 1 may /Trend, müxbir İlkin İzzət/
"Azərfon" MMC-nin yeməkxanasının asma tavanın bir hissəsi uçub.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, aprelin 30-da paytaxtın Nizami rayonu ərazisində yerləşən "Azərfon" MMC-nin yeməkxanasının asma tavanın bir hissəsi uçub.
Nəticədə orada aşbaz işləyən Bakı şəhər sakini Saleh Çambaşırov xəsarət alıb. S.Çambaşırova xəstəxanada ilkin tibbi yardım göstərilib, daha sonra evə buraxılıb.