Azərbaycan, Bakı, 21 sentyabr /Trend, müxbir İlkin İzzət/
Yevlax rayonunda baş verən yol qəzasında üç nəfər ölüb, bir nəfər yaralanıb.
Daxili İşlər Nazirliyindən (DİN) Trend-ə verilən məlumata görə, sentyabrın 20-də saat 19 radələrində Yevlax rayonunun Qarxun kəndində Şəmkir rayon sakini Rasim Həsənovun idarə etdiyi "KamAZ" və Salyan rayon sakini Elnur Babayevin idarə etdiyi "BYD" markalı avtomobillər toqquşub.
Nəticədə E.Babayevin sərnişinləri - qardaşı Coşqun, həmyerliləri Ramin Babayev və onun oğlu Şamil hadisə yerində ölüb, özü isə xəstəxanaya yerləşdirilib.
Faktla bağlı BDYPİ tərəfindən araşdırma aparılır.