Azərbaycan, Bakı, 8 oktyabr /Trend, müxbir Elmir Murad/
Göygöl rayonununda ölümlə nəticələnən yol qəzası baş verib.
Daxili İşlər Nazirliyindən Trend-ə verilən məlumata görə, hadisə rayonun Hacıməlik kəndində qeydə alınıb. Belə ki, kənd sakini Qəmşəddin Məmmədov idarə etdiyi "VAZ-21061" markalı avtomobili yol ayırıcısına vurub. Nəticədə sürücü və sərnişinlərindən Gəncə şəhər sakini Yaqut Məmmədova hadisə yerində ölüb, digər 2 nəfər isə yaralanaraq xəstəxanaya yerləşdirilib.
Hadisə ilə bağlı Baş Dövlət Yol Polisi İdarəsi tərəfindən araşdırma aparılır.