Azərbaycan, Bakı, 26 oktyabr /Trend, müxbir Elmir Murad/
Xaçmazda yol-nəqliyyat hadisəsi baş verib.
Fövqəladə Hallar Nazirlyindən (FHN) Trend-ə verilən məlumata görə, Qudyalçay çayının, Xaçmaz rayonu ərazisindən keçən hissəsində "VAZ" markalı minik avtomobili "QAZ" markalı yük maşınına çırpılıb.
FHN-nin müvafiq xilasetmə qüvvələri hadisə yerinə cəlb olunub.
Xilasedicilər tərəfindən qəza nəticəsində deformasiyaya uğramış minik avtomobilində sıxılmış vəziyyətdə qalaraq xəsarət alan sürücü və 2 nəfər sərnişini avtomobildən çıxarılaraq aidiyyəti üzrə təhvil veriliblər.
Əməliyyat saat 02:40-da başa çatıb.