Azərbaycan, Bakı, 10 noyabr /Trend/
Bakının Yasamal rayonunda iki mənzildə termometr sınıb, nəticədə onun daxilindəki civə ətrafa dağılıb.
Trend Fövqəladə Hallar Nazirliyinin saytına istinadən xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, maye halında olan kimyəvi maddə nazirliyin Mülki Müdafiə Qoşunlarının mütəxəssisləri tərəfindən yığılıb. Əməliyyatlar 19:20 və 20:20-də başa çatıb.
Çirklənmiş ərazi demerkurizasiya edilib.