Bakı. Samir Əli - Trend:
Oktyabrın 16-sı və 17-də intensiv yağışların yağması ilə əlaqədar Bakı şəhərində 8 yol qəzası baş verib.
Bu barədə Trend-ə açıqlamasında Bakı Şəhər Baş Dövlət Yol Polisi İdarəsinin bölmə rəisi, polis polkovniki Vaqif Əsədov məlumat verib.
Onun sözlərinə görə, oktyabrın 16-da istirahət günü paytaxtda 3 yol nəqliyyat hadisəsi baş verib ki, nəticədə 4 nəfər xəsarət alıb.
Oktyabrın 17-də isə günorta saatlarına qədər 5 yol qəzası baş verib. Qəzalardan 3-ü maneəyə çırpılma, 2-si isə toqquşma nəticəsində baş verib. Hadisələr nəticəsində xəsarət alan olmasa da, avtomobillərə ziyan dəyib.