Bakı. Samir Əli - Trend:
Göyçayda 3 nəfərin xəsarət alması ilə nəticələnən avtomobil qəzası olub.
Trend-in məlumatına görə, hadisə rayon mərkəzində baş verib. "Mercedes" markalı avtomobil idarəetməni itirərək yolun kənarında dayanan "Kamaz" markalı yük maşınına çırpılıb.
Hadisə nəticəsində minik avtomobilində olan Ucarın Lək kənd sakini, 1964 -cü il təvəllüdlü Əhmədov Ağamir Səftər oğlu, Göyçayın I Ərəb kənd sakini, 1983 -cü il təvəllüdlü Eyyubov Asiman Ələmdar oğlu və onun həmkəndlisi, 1991-ci il təvəllüdlü Hadıyev Sadiq Əvəz oğlu ağır xəsarət alıblar.
Yaralılar Göyçay rayon Mərkəzi Xəstəxanasına yerləşdirilib.
Yaralılardan A.Əhmədovun vəziyyəti ağır olduğundan reanimasiya şöbəsinə yerləşdirilib.