Bakı. Trend:
Bakının Yasamal və Binəqədi rayonunda yanğın qeydə alınıb.
Trend-ə Fövqəladə Hallar Nazirliyindən verilən məlumata görə, Bakı şəhəri, Yasamal rayonunda beşmərtəbəli yaşayış binasının 5-ci mərtəbəsində ümumi sahəsi 60 m2 olan 2 otaqlı mənzilin dəhlizinin lambirdən ibarət tavanı 12 m2 və dəhlizində quraşdırılmış şkaf və içərisindəki əşyalar 6 m2 sahədə yanıb. Mənzilin qalan hissəsi yanğından mühafizə olunub. Yanğın yanğın bölmələri tərəfindən söndürülüb.
Digər yanğın Binəqədi rayonunda baş verib. Beşmərtəbəli yaşayış binasının 2-ci mərtəbəsində ümumi sahəsi 60 m2 olan 3 otaqlı mənzilin mətbəxində 5 m2 sahədə mətbəx mebeli yanıb, yüksək temperaturdan məişət texnikası və lambirindən ibarət tavan 9 m2 sahədə əriyib. Mənzilin qalan hissəsi yanğından mühafizə olunub. Yanğın yanğın bölmələri tərəfindən söndürülüb.