Bakı. Trend:
Penitensiar Xidmətin və Şəki Penitensiar müəssisəsinin əməliyyat aparatları və Daxili İşlər Nazirliyinin əməkdaşları birgə əməliyyat tədbiri keçirib.
Xidmətin İctimaiyyətlə əlaqələr şöbəsindən Trend-ə verilən məlumata görə, əməliyyat nəticəsində Cinayət Məcəlləsinin 228.1, 237.2.3 və 66.3-cü maddələri ilə 5 il 6 ay müddətinə azadlıqdan məhrum edilmiş Dibirov Şadnus Nasruddin oğlunun əvvəllər yaşadığı Balakən rayon ərazisindəki evinin həyətində torpağa basdırılmış 1 ədəd Makarov tipli tapança və 240 qram narkotik vasitə - marixuana aşkar edilərək götürülüb.
Fakt üzrə Balakən rayon Polis şöbəsində araşdırma aparılır.