Bakıda Elmi-Metodiki İxtisasartırma Mərkəzinin binasında yanğın olub (FOTO, VİDEO)

Bakı. Samir Əli - Trend:

Bakıda Mədəniyyət Nazirliyinin Elmi-Metodiki İxtisasartırma Mərkəzində yanğın hadisəsi baş verib.

Fövqəladə Hallar Nazirliyindən Trend-ə verilən məlumatına görə, hadisə paytaxtın Yasamal rayonu, Bəşir Səfəroğlu küçəsində baş verib.

Məlumata görə, yanğın mərkəzin yerləşdiyi 3 mərtəbəli binada qeydə alınıb.

Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib. Artıq binadakı yanğın söndürülüb. Hadisə nəticəsində mərkəzin 50 kv.metrlik sahəsi yanıb, binanın qalan hissəsi yanğından mühafizə olunub.

Hadisə nəticəsində xəsarət alan olmayıb.