Bakı. Samir Əli - Trend:
Bakı Apellyasiya Məhkəməsində "Azərsu" Açıq Səhmdar Cəmiyyətinin dələduzluqda təqsirləndirilən sabiq əməkdaşı Elgün İmranlının barəsində olan hökmdən verilən apelyasiya şikayəti üzrə məhkəmə başlayıb.
Trend-in məlumatına görə, hakim Elmar Rəhimovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib və məhkəmənin növbəti iclası aprelin 29-na təyin edilib.
İttihama görə, "Azərsu" ASC-nin sabiq əməkdaşı E.İmranlı vətəndaşların etibarından sui-istifadə edərək onların, ümumilikdə, 206 min manat pulunu dələduzluq yolu ilə ələ keçirib.
O, Bakı Ağır Cinayətlər Məhkəməsinin hökmü ilə 9 il müddətinə azadlıqdan məhrum edilib. Hökmdən narazı qalan məhkum apelyasiya şikayəti verib.