Bakı. Samir Əli - Trend:
Göyçay rayonunun Cəyirli kəndi ərazisində yol-nəqliyyat hadisəsi baş verib.
Daxili İşlər Nazirliyindən Trend-ə verilən məlumata görə, noyabrın 27-də saat 22 radələrində Göyçay rayonunun Cəyirli kəndi ərazisində rayon sakini E.Şamilov idarə etdiyi “VAZ-21074” markalı avtomobili yolun kənarındakı ağaca vurub. Nəticədə sürücü və sərnişini olan həmyerlisi Ruslan Rüstəmov xəstəxanaya yerləşdirilib, R.Rüstəmov orada ölüb.
Göyçay RPŞ tərəfindən araşdırma aparılır.