İlk xəbər saat 19:56-da yayımlanıb
Bakı. Samir Əli - Trend:
Neftçalada baş verən yanğın söndürülüb.
Fövqəladə Hallar Nazirliyindən Trend-ə verilən məlumata görə, Neftçala rayonu, Neftçala şəhəri, H.Əliyev prospekti 4 ünvanında dördmərtəbəli yaşayış binasının dam örtüyündə baş verən yanğın Dövlət Yanğından Mühafizə Xidmətinin yanğınsöndürmə qüvvələri tərəfindən saat 21:15 dəqiqədə söndürülüb.
Yanğınla əlaqədar əlavə məlumatın veriləcəyi qeyd edilir.
20:11
Neftçala şəhərində dördmərtəbəli yaşayış binasında baş vermiş yanğında ilkin məlumata görə xəsarət alan yoxdur.
Tibbi Ərazi Bölmələrini İdarəetmə Birliyindən (TƏBİB) Trend-ə verilən məlumata görə, Təcili yardımın 4 briqadası hadisə yerindədir. Hadisədə qorxu keçirən sakinlərə yerindəcə ambulator yardım göstərilir.
XXX
19:56
Fövqəladə Hallar Nazirliyinin "112" qaynar telefon xəttinə, Neftçala rayonu, Neftçala şəhəri, H.Əliyev prospekti 4 ünvanında dördmərtəbəli binanın dam örtüyündə yanğın olması barədə məlumat daxil olub.
Nazirlikdən Trend-ə verilən məlumata görə, dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri hadisə yerinə cəlb olunub.
Yanğınla əlaqədar əlavə məlumatın veriləcəyi qeyd edilir.