Bakı. Trend:
ABŞ-ın Kaliforniya əyalətində “Black Hawk” hərbi helikopterinin qəzaya uğraması nəticəsində iki əsgər ölüb, 3 nəfər yaralanıb.
Trend-in TASS-a istinadən verdiyi məlumata görə, bu barədə birləşmiş ştatlar ordusunun (quru qüvvələri) xüsusi əməliyyat komandanlığı məlumat verib.
"ABŞ ordusu xüsusi əməliyyat komandanlığının birliyi Kaliforniyada təlim keçirdiyi zaman qəza baş verib. İki əsgər ölüb və üçü yaralanıb. Bölgə mühasirəyə alınıb, hadisə araşdırılır", - məlumatda deyilir.