...

Müharibədən sonra 14 nəfər minaya düşərək həlak olub - Prokurorluq (VİDEO)

Hadisə Materials 9 Fevral 2021 10:37 (UTC +04:00)
Müharibədən sonra 14 nəfər minaya düşərək həlak olub - Prokurorluq (VİDEO)

Bakı. Samir Əli - Trend:

Baş Prokurorluq işğaldan azad edilən ərazilərə qanunsuz səfərlər nəticəsində baş verən hadisələrlə bağlı məlumat yayıb.

Baş Prokurorluğun Mətbuat xidmətindən Trend-ə bildirilib ki, dəfələrlə xəbərdarlıq edilməsinə baxmayaraq, insanların işğaldan azad edilmiş ərazilərdə minaya düşərək həlak olmaları və ya ağır dərəcəli bədən xəsarətləri almaları faktları hələ də baş verir.

10 noyabr 2020-ci il tarixdən hazırkı vaxtadək işğaldan azad edilmiş ərazilərdə minaya düşmələri nəticəsində 5 hərbi qulluqçu, 9 mülki şəxs həlak olub, 52 hərbi qulluqçu, 8 mülki şəxs isə müxtəlif dərəcəli bədən xəsarətləri alıb.

Azad olunmuş ərazilərin minalardan təmizlənməsi işi başa çatanadək qanunsuz səfər hallarına yol vermiş şəxslər barəsində qanunvericilikdə nəzərdə tutulmuş ən ciddi tədbirlərin görülməsi təmin ediləcək.

Baş Prokurorluğun Mətbuat xidməti tərəfindən qeyd olunan məsələnin həssaslığı və əhəmiyyəti nəzərə alınaraq növbəti dəfə maarifləndirici videoçarx hazırlanıb.

Videoçarxı Baş Prokurorluğun sosial şəbəkə səhifələrindən izləyə bilərsiniz.

Məqalədə:
Xəbər lenti

Xəbər lenti