Bakı. Trend:
Tailandın Samutprakan əyalətində yerləşən zavodda güclü partlayış baş verib.
Trend-in məlumatəna görə, kimyəvi zavod penoplast istehsalı üzrə fəaliyyət göstərib.
Bildirilir ki, hadisə baş verən ərazidə 6 anbarda 50 ton kimyəvi maddə saxlanılıb. Partlayışdan sonra baş verən yanğın zavodu külə döndərib. Hadisə nəticəsində 21 nəfər xəsarət alıb.
Yanğınla mübarizə üçün 30 yanğınsöndürən maşın cəlb edilib. 5 kilometr ətraf məsafədə yaşayan sakinlərə təkrar partlayışlardan ehtiyatlanaraq təxliyə göstərişi verilib.
Hadisənin səbəbi araşdırılır.