Bakı. Trend:
Xırdalanda çoxmərtəbəli yaşayış binasındakı yanğın söndürülüb.
Bu barədə Trend-ə Fövqəladə Hallar Nazirliyindən məlumat verilib.
Fövqəladə Hallar Nazirliyi tərəfindən həyata keçirilmiş operativ
tədbirlər sayəsində Abşeron rayonu, Xırdalan şəhərində
çoxmərtəbəli yaşayış binasında baş vermiş yanğın genişlənməsinə
imkan verilmədən qısa müddətdə söndürülüb.
Təhlükəsizlik tədbirləri çərçivəsində bina sakinləri təxliyə olunub.
xxx
20:38
Xəbər verildiyi kimi, Abşeron rayonu, Xırdalan şəhərində çoxmərtəbəli yaşayış binasında yanğın baş verib və dərhal əraziyə Fövqəladə Hallar Nazirliyi Dövlət Yanğından Mühafizə Xidməti və Xüsusi Riskli Xiıasetmə Xidmətinin qüvvələri cəlb olunub.
Bu barədə Trend-ə Fövqəladə Hallar Nazirliyindən məlumat verilib.
Bildirilir ki, Nazirliyin qüvvələri tərəfindən həyata keçirilmiş zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə məhdudlaşdırılıb. Hazırda yanğının tam söndürülməsi istiqamətində tədbirlər davam etdirilir.
Əlavə məlumat veriləcək.
xxx
20:19
Xırdalan ərazisində yerləşən Riyad ticarət mərkəzinin yaxınlığında çoxmərtəbəli yaşayış binasında yanğın başlayıb.
Bu barədə Trend-in sorğusuna cavab olaraq Fövqəladə Hallar Nazirliyindən bildirilib.
Hadisə yerinə Nazirliyin müvafiq yanğınsöndürmə qüvvələri cəlb edilib.
Yanğının söndürülməsi istiqamətində işlər həyata keçirilir.
Xəbər yenilənəcək
