Bakı.Trend:
Gəncədə sürücü 3 piyadanı vurub, onlardan biri həyatını itirib.
Trend xəbər verir ki, hadisə oktyabrın 6-da baş verib.
Belə ki, Əziz Xasməmmədov idarə etdiyi "Haval H3" markalı avtomobillə Gəncə şəhəri Ə.B.Rəfibəyli küçəsində hərəkətdə olarkən idarəetməni itirib. Hadisə nəticəsində piyadalar - İlahə Məmmədova və Pakizə Məmmədova xəsarətlər alıb, digər piyada Qəribə Səfərova isə aldığı xəsarətlərdən ölüb.
Faktla bağlı Gəncə şəhər Baş Polis İdarəsinin İstintaq və Təhqiqat İdarəsində CM-in 263.2-ci maddəsi ilə cinayət işi başlanaraq istintaq aparılır.