İstanbulun Sarıyer rayonunda baş vermiş yanğın nəticəsində 6 nəfər Azərbaycan vətəndaşı xəsarət alıb.
Trend in "Xəbər-Türk" telekanalına istinadən xəbər verdiyi kimi, yanğın üçmərtəbəli taxta binada başlayıb və daha sonra alov beşmərtəbəli evə keçib.
İstanbulda tikintidə işləyən 6 nəfər Azərbaycan vətəndaşı Mərkəzi məhəllə, Dursun küçəsi ünvanında yerləşən bu binada yaşayırdı. Yanğın ötən gecə yerli vaxtla saat 01:30-da başlayıb.
Yanğın zamanı Murtuz Həsənlı, Vilayət Hüseynli, Siyavuş Əhməd, Elməddin Hüseynov, Bəhruz Hüseynov və Elxan Hüseynov bağlı evdə olub.
Onlar üçüncü mərtəbədən tullanmalı olub.
O da bildirilir ki, bu şəxslərdən heç biri ciddi xəsarət almasa da, İsmayıl Ağgün adına Sarıyer dövlət xəstəxanasına yerləşdirilib.