Azərbaycan, Bakı / Trend müxbir K.Zərbalıyeva/ Qobustan Qapalı Həbsxanada qətl hadisəsi baş verib. Həbsxanada eyni kamerada yaşayan 15 il müddətinə azadlıqdan məhrum edilmişlər İsa Əliyev və Tərlan Əliyev məhkum yoldaşları, 15 il müddətinə azadlıqdan məhrum edilmiş Bayram Rəhimovu boğub öldürüblər. İlkin məlumata görə, qətl məhkumlar arasında yaranan pul mübahisəsi zəminində baş verib. Hər 3 məhkum qəsdən adam öldürmə cinayətinə görə məhkum olunublar. Faktla bağlı Qaradağ rayon prokurorluğunda CM-in 120.2.1-ci (qəsdən adam öldürmə) maddəsi ilə cinayət işi açılıb, istintaq aparılır.
...
