Azərbaycan, Bakı, 27 yanvar /Trend/
Cənubi Koreyada 5G texnologiyasının yaradılması üzrə işlərə başlanılıb.
Trend-in Türkiyənin "Sabah" qəzetinə istinadən verdiyi məlumata görə, 5G sayəsində internetdən həcmi 1 Gb olan məlumatları, o cümlədən filmləri 1 saniyə ərzində yükləmək mümkün olacaq.
Cənubi Koreyanın Texnologiya Nazirliyindən verilən məlumata əsasən, bu texnologiyanın bazasının yaradılması məqsədi ilə 1,4 milyard vəsait ayrılıb.
Yeni texnologiyanın 2017-ci ildə sınaqdan keçiriləcəyi bildirilir. 5G-nin bazara çıxarılacağı tarix isə 2020-ci ilə təsadüf edəcək. Yeni texnologiya 4G-dən min dəfə sürətli olacaq.