Azərbaycan, Bakı, 6 noyabr /Trend/
Alimlərin siçanlar üzərində apardığı eksperimentlər göstərib ki, askorbin turşusu, C vitamini mutasiyalı xərçəng hüceyrələrini öldürür və ümumilikdə xərçəng şişlərinin artımını yubandırır.
Trend-in RİA Novosti-yə istinadən verdiyi məlumata görə, təqribən 30 il əvvəl C vitamininin xərçəngə qarşı vasitə kimi istifadə edilməsinə maraq artıb.
Bu, Nobel mükafatı laureatı Laynus Polinqin sayəsində mümkün olub.
C vitamininin effekti ondan ibarətdir ki, askorbin turşusu sayəsində şiş ətrafındakı mayedə yaranan hidrogen peroksidi xərçəng hüceyrələrini öldürə bilir. Bununla belə, sağlam hüceyrələr zədələnmir.