...

"Pokemon Go" oyunu ilk ayda 200 milyon dollar qazanc gətirib

Maraqlı Materials 8 Avqust 2016 16:44 (UTC +04:00)
Mobil telefon oyunu "Pokemon Go" ilk ay ərzində müəllif şirkətinə 200 milyon dollar qazanc gətirib.
"Pokemon Go" oyunu ilk ayda 200 milyon dollar qazanc gətirib

Bakı. Elçin Hüseynov - Trend:

Mobil telefon oyunu "Pokemon Go" ilk ay ərzində müəllif şirkətinə 200 milyon dollar qazanc gətirib. Trend xəbər verir ki, bu barədə "Sensor Tower" analitik şirkətinin məlumatında deyilir.

Oyun satışa iyulun 6-sı çıxarılıb. "Sensor Tower" qeyd edir ki, oyunun satışları Yaponiya bazarına çıxarılandan sonra daha da sürətlənib.

Hitə çevrilən "Pokemon Go" populyarlıqda bütün digər mobil internet əlavələrini, üstələyib - "Candy Crush" və "Clash Royale" oyunlarını. Məsələn, "Clash Royale" ilk 30 gün ərzində 125 milyon qazanc əldə edib.

Araşdırmalara əsasən, "Pokemon Go" oyun istifadəçiləri gün ərzində bu əyləncəyə orta hesabla 26 dəqiqə ayırırlar.

Qeyd edək ki, virtual reallıq əsasında hazırlanmış "Pokemon Go" oyununun əsas məqsədi Pokemonu ("Pocket Monster"u) yaxalamaqdan ibarətdir. Pokemonu yaxalamaq üçün oyun istifadəçiləri kücələrə, parklara və çimərliklərə üz tuturlar.

Məqalədə:
Xəbər lenti

Xəbər lenti