Azərbaycan, Bakı, 22 fevral / Trend , müxbir K.Ramazanova / Ermənistanda yeni prezidentin seçilməsi Dağlıq Qarabağ münaqişəsinin nizamlanmasına dair proseslərə təsir etməyəcək, - cümə günü Strasburqdan Avropa Şurası Parlament Assambleyası Müşahidə nümayəndə heyətinin üzvü Bcorn Cakobson telefonla Trend a deyib.
"Hazırda Ermənistan bu məsələ üzründə işləməlidir", - Cakobson deyib.
Cənubi Qafqazın iki ölkəsi arasında münaqişə 1988-ci ildə Ermənistanın Azərbaycana ərazi iddiası ilə başlayıb. 1991-ci ilin dekabrında Dağlıq Qarabağ, Şuşa və Xocalı istisna olmaqla, Azərbaycanın nəzarəti altından çıxıb. 1992-93-cü illərdə Şuşa, Xocalı, həmçinin, Dağlıq Qarabağ və ona yaxın yeddi rayon işğal edilib. 1994-cü ilin mayında tərəflər atəşkəsə nail olublar və indiyədək ATƏT-in Minsk Qrupunun himayəsi altında və Rusiya, Fransa və ABŞ-ın həmsədrliyi ilə uğursuz sülh danışıqları aparılır.
Ermənistan müxalifətinin etirazına toxunan Cakobson deyib ki, səsvermənin nəticələri ilə razı olmayan qüvvələr, insanların onlara səs vermələri üçün müvafiq addımları seçkidən əvvəl atmalıydılar.
"Lakin etiraz aksiyasını keçirmək - müxalifətin seçimidi", - Cakobson deyib.
Artıq dalbadal ikinci gündür Yerevanın mərkəzində Ermənistanın eks-prezidenti Levon Ter-Petrosyanın tərəfdarları etiraz aksiyasını davam edirlər. Onlar fevralın 19-da keçən seçkinin nəticələrinin yenidən baxılmasını tələb edirlər. Ermənistan paytaxtının mərkəzində Azadlıq meydanında təxminən 20 çadır qurulub və Ter-Petrosyanın tərəfdarları burada bütün gecəni keçiribər.
Cakobsonun sözlərinə görə, Ermənistanda seçkilər ölkənin beynəlxalq öhtəliklərinə uyğun keçib, lakin qalan problemlərin həlli üçün sonrakı müsbət irəliləyişlər gərəkdir.
"Cəmiyyətdə seçki prosesinə inamda çatışmazlıqları həll etmək üçün gələcək yaxşılaşma və siyasi iradə gərəkdir", - Cokobson deyib.
Fevralın 19-da Ermənistanda prezident seçkisi keçib. Seçkidə baş nazir, Respublika partiyasının lideri Serj Sarkisyan qalib gəlib. Ermənistan MSK-nın məlumatına görə, seçki bülletenlərinin 100 faiz işlənməsindən sonra, Sarkisyan seçkilərin 52,86 faiz səsini toplayıb.
Prezident seçkisində ikinci yeri respublikanın eks-prezidenti Levon Ter-Petrosyan tutub - o,21,5 faiz səs toplayıb, onun ardınca "Orinats erkir" müxalifət partiyasının lideri, parlament deputatı Artur Baqdasaryan 11,6 səslə gəlir. Qalan altı namizəd 10 faizindən az səs toplayıblar.
Ermənistanda prezident seçkisinin gedişatını təxminən 400 müşahidəçi, o cümlədən, ATƏT-in DİİHB-i, ATƏT-in Parlament Assambleyasını, Avropa Şurasının Parlament Assambleyasını, Avropa Parlamentini təmsil edən 75 parlament üzvü izləyib.
