...

Tehran Qarabağ münaqişəsinin həllində Yerevan və Bakı arasında vasitəçi olmağa hazırdır - İranın xarici işlər naziri

Ermənistan-Azərbaycan münaqişəsi Materials 16 Sentyabr 2008 17:56
Tehran Qarabağ münaqişəsinin həllində Yerevan və Bakı arasında vasitəçi olmağa hazırdır - İranın xarici işlər naziri

Trend-i buradan izləyin

"Qafqazda  çoxlu kəsişən maraqlar var, lakin son hadisələr əksər regional münaqişələrin yaranmasına səbəb olub", - İranın xarici işlər naziri Mənuçöhr Möttəki Ermənistanın xarici işlər naziri Edvard Nalbandyanla Tehranda birgə mətbuat konfransının gedişində deyib.

Möttəki qeyd edib ki, İran Qafqaz regionunun qonşusu olmaqla, əməkdaşlığın yaradılması məqsədilə region ölkələri arasında məsləhətləşmələr aparmağı təklif edib. Onun sözlərinə görə, Nalbandyanın Tehrana səfəri İranın təklifi üzrə danışıqların mərhələlərindən birini başa çatdırmağa çox gözəl imkandır.
İranlı nazir vurğulayıb ki, Ermənistan və İran regional problemlər üzrə ümumi maraqları bölüşür və analoji mövqe tuturlar. Möttəki onu da vurğulayıb ki, İran Dağlıq Qarabağ münaqişəsinin həllində Yerevan və Bakı arasında vasitəçi olmağa hazırdır.
Ermənistanın Xarici Işlər Nazirliyinin rəhbəri Nalbandyan öz növbəsində bildirib ki, Ermənistan və İran Gürcüstandakı son hadisələr üzrə vahid mövqedən çıxış edirlər. O daha sonra qeyd edib ki, İranın çox maraqlı fikir və təklifləri var. Yerevan, öz növbəsində, Tehranla regionda təhlükəsizlik və stabilliyin bərqərar edilməsi üzrə dialoqu davam etdirəcək, - İranın PRESS TV agentliyi xəbər verib. 

Xəbər lenti

Xəbər lenti