...

Ermənistan tərəfindən əsir götürülmüş Azərbaycan əsgəri ailəsinə məktub göndərib

Ermənistan-Azərbaycan münaqişəsi Materials 23 Oktyabr 2008 15:09

Trend-i buradan izləyin

Azərbaycan, Bakı, 23 oktyabr / Trend , müxbir K.Zərbalıyeva/ Azərbaycan Ordusunun Ermənistan Silahlı Qüvvələri tərəfindən əsir götürülmüş əsgəri ailəsinə məktub göndərib.

Bu barədə cümə axşamı Trend -a BQXK-nin Azərbaycan nümayəndəliyindən məlumat verilib.

Azərbaycan Ordusunun əsgəri, 1989-cu il təvəllüdlü Həsənov Rafiq Rəhman oğlu Ermənistan hərbçiləri tərəfindən oktyabrın 8-də qoşunların təmas xəttində əsir götürülüb.

BQXK-dən bidirilib ki, Ermənistandakı nümayəndəliyin əməkdaşları tərəfindən əsirə iki dəfə baş çəkilib. Həsənov ailəsinə məktub yazıb və məktub əsirin valideynlərinə çatdırılıb. Onunla rəftarın və saxlanma şəraitinin beynəlxalq humanitar hüquq normalarına uyğun olduğu bildirilib. Əsirin atası Rəhman Həsənov Trend -un bölgə müxbirinə bildirib ki, oğlu əsir düşəndən sonra onun xidmət etdiyi hərbi hissədən onlara zəng edərək Rafiq Həsənovun hərbi hissədən qaçdığı barədə məlumat verilib.

Ata oğlunun əsir götürülməsi barədə məlumatı televiziyadan eşitdiyini deyib.

Əsir və itkin düşmüş, girov götürülmüş vətəndaşlarla əlaqədar Dövlət Komissiyasından isə əsirin geri qaytarılması istiqamətində tədbirlər görüldüyü bildirilib.

Müəlliflə əlaqə saxlamaq üçün elektron ünvan- [email protected]

Xəbər lenti

Xəbər lenti