Azərbaycan, Bakı, 11 noyabr / Trend , müxbir K.Zərbalıyeva/
Ermənistan Silahlı Qüvvələrinin bölmələri noyabrın 11-də saat 08.00-dan 08.10-dək Ermənistan Respublikasının İcevan rayonunun Berkaber kəndindəki mövqelərdən Qazax rayonunun Qızılhacılı kəndində yerləşən mövqelərimizi, saat 13.00-dan 13.25-dək, 20.30-dan 20.35-dək və 23.50-dən 00.15-dək Füzuli rayonunun Qərvənd, Qaraxanbəyli və Aşağı Əbdülrəhmanlı kəndləri yaxınlığında yerləşən mövqelərdən, saat 16.05-dən 16.20-dək və 21.35-dən 22.00-dək Ağdam rayonunun Yusifcanlı və Tağıbəyli kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bu barədə Azərbaycan Respublikası Müdafiə Nazirliyinin mətbuat xidmətindən məlumat verilib.
Bütün hallarda düşmən cavab atəşilə susdurulub.
İtki yoxdur.