Azərbaycan, Bakı, 4 oktyabr /Trend, müxbir S.Ağayeva/
Dağlıq Qarabağ münaqişəsinin həllində iştirak və eyni zamanda, cəbhədə gərginliyin daha da artmasına yol verilməməsi RF və ATƏT-in digər aparıcı üzvlərinin mövqelərinin üst-üstə düşdüyü prioritet məsələlərdən biridir. ATƏT-in baş katibi Lamberto Dzanner belə hesab edir.
"Bu gun Rusiyanın ATƏT-in Minsk qrupunun fəaliyyətində iştirakı və Rusiya Prezidentinin Azərbaycanla Ermənistan arasında gedən danışıqların yüksək səviyyədə olmasına yardım etmək üçün şəxsən yaxından iştrakı məsələnin həll olunmasında vacib rol oynayır", - Trend-in məlumatına görə, Dzannerin bu gün "Kommersant" qəzetində dərc olunmuş məqaləsində deyilir.İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.